विधानसभा अध्यक्ष राहुल नार्वेकर यांच्यासमोर मुख्यमंत्री एकनाथ शिंदे यांच्यासह सर्वच बंडखोर आमदारांच्या अपात्रतेच्या प्रकरणाची सुनावणी सुरू आहे. या सुनावणीत नार्वेकरांवर सातत्याने दिरंगाईचा आरोप होत आहे. सर्वोच्च न्यायालयानेही याबाबत ताशेरे ओढले आहेत. अशातच आता मुख्यमंत्री शिंदे आणि विधानसभा अध्यक्ष नार्वेकरांमध्ये गुप्तबैठकीची चर्चा आहे. यावर राष्ट्रवादी काँग्रेसच्या शरद पवार गटातील खासदार सुप्रिया सुळे यांनी प्रतिक्रिया दिली.