रोहा (अल्ताफ चोरडेकर): केंद्रीय रेल्वेमंत्री ना.अश्विनी वैष्णव यांची नवी दिल्ली येथे महाराष्ट्र प्रदेश राष्ट्रवादी काँग्रेस पक्षाचे अध्यक्ष, खास.सुनिल तटकरे यांनी सदिच्छा भेट घेतली. या भेटी दरम्यान रेल्वे संदर्भातील विविध विषयांवर सविस्तर चर्चा करण्यात आली. या वेळी रायगड जिल्ह्यातील रोहा आणि पेण येथील रेल्वे स्थानकांचा समावेश अमृत भारत स्टेशन योजनेत करण्यात यावा यासाठी रेल्वे मंत्री महोदयांना निवेदन देण्यात आले. रोहा व पेण तालुक्यातील जनतेकडून ही मागणी केल्याबद्दल खा.सुनिल तटकरेंचे स्वागत करण्यात आले.
रोहा, पेण रेल्वेस्थानकांचा अमृत
भारत स्टेशन योजनेत समावेश करावा!
अमृत भारत स्टेशन योजना अंतर्गत रायगड जिल्ह्यातील रोहा आणि पेण रेल्वे स्थानकांचा समावेश करण्यासंबंधी रेल्वे मंत्री ना. अश्विनी वैष्णव यांचे खा.तटकरे यांनी लक्ष वेधण्यासाठी हे पत्र दिले आहे. या पत्राद्वारे सदर भव्य योजनेंतर्गत आतापर्यंत 1200 हून अधिक स्थानकांचे नूतनीकरण करण्यात आले आहेत. ज्याचा उद्देश देशभरातील स्थानकांमध्ये नव्या पातळीची सुविधा आणि जोडणी निर्माण करणे हा आहे. ही योजना इतर अनेक उपक्रमांशी सुसंगत असून ग्रामीण आणि दुर्गम भागांतील लोकांसाठी आर्थिक संधी वाढवण्यासाठी अत्यंत महत्त्वपूर्ण आहे. सक्षम नेतृत्वाखाली या योजनेने मिळवलेल्या यशाची दखल घेत मी आपले लक्ष रायगड जिल्ह्यातील रोहा व पेण रेल्वे स्थानकांवर केंद्रित करून त्या स्थानकांचा या योजनेत समावेश करण्याची खा. सुनिल तटकरे यांनी विनंती वजा मागणी केली आहे.
रोहा व पेण ही ऐतिहासिक शहरे असून या परिसरांचा संबंध थोर शिवयोद्धा छत्रपती शिवाजी महाराजांशी आहे. हे भाग गणेश मूर्ती व अन्य हस्तकलेच्या वस्तूंचे कलेच्या दृष्टीने महत्त्वाचे केंद्र आहेत. या हस्तकलेच्या परंपरेने हजारो कुशल कारागीर आणि त्यांच्या कुटुंबियांना उपजीविकेचे साधन मिळवून दिले आहे. या मूर्ती विविध मंडप व घरांमध्ये ठेवण्यात येतात आणि या भागातील लोक त्यांच्यावर प्रेम करतात. या भागातील हस्तकला परंपरेमुळे अनेक तरुण, महिलांना रोजगाराच्या संधी मिळाल्या आहेत. हे कारागीर त्यांच्या तयार केलेल्या वस्तू राज्यभर व परिसरात पोहोचवण्यासाठी रेल्वे सारख्या वाहतूक व्यवस्थेवर अवलंबून असतात. या भागाचा आर्थिक विकास असूनही सद्या रोहा व पेण रेल्वे स्थानकांमध्ये प्रवाशांसाठी आवश्‍यक सुविधा, मालवाहतूक हाताळणीची सोय व अंतिम टप्प्यातील जोडणी यांचा अभाव आहे. हे सर्व घटक वाढीला अडथळा ठरतात व स्थानिक समुदायांवर ताण निर्माण करतात. रोहा आणि पेण या स्थानकांचा समावेश अमृत भारत स्टेशन योजनेंतर्गत केल्यास हे एक महत्त्वपूर्ण पाऊल ठरेल. जे पायाभूत सुविधांचा विकास, रोजगाराच्या संधी आणि आर्थिक विकास घडवून आणू शकते. तसेच स्थानिक प्रवाशांसाठी आधुनिक सुविधा उपलब्ध करून दिल्या जातील. असे खासदार सुनील तटकरे यांनी आपल्या निवेदनात म्हटले आहे.
रोहा, पेण, रेल्वेस्थानक, अमृत भारत स्टेशन, खास.सुनिल तटकरे, Dainik Sagar, Daily Sagar
रोहा | पेण | रेल्वेस्थानक | अमृत भारत स्टेशन | खास.सुनिल तटकरे | Dainik Sagar | Daily Sagar
